(Видео) Тајфун се приближува до Јапонија: Метеоролозите предупредуваат на обилни врнежи и поплави

Јапонските власти издадоа предупредување за опасни временски услови, со прогноза за интензивни врнежи во Токио и уште шест префектури од понеделник. Се очекуваат обилни количества дожд во краток временски период, поради што граѓаните се повикуваат на зголемена внимателност.

— реклама —

Јапонската метеоролошка агенција предупреди на можност од формирање на таканаречена линеарна дождовна зона, која може да донесе силни врнежи што ќе траат неколку часа. Предупредувањето се однесува на Токио и префектурите Саитама, Канагава, Чиба, Шизуока, Аичи и Мие, пренесува „Кјодо“.

— реклама —

Метеоролозите предупредуваат на опасност од свлечишта, поплавување на пониските подрачја и нагло зголемување на водостојот на реките во делови од источна Јапонија.

До 6 часот во понеделник наутро, во регионот Токаи се очекуваат до 300 милиметри дожд, до 250 милиметри во областа Канто-Кошин, која го опфаќа и Токио, додека во регионот Кинки, со центар во Осака, се прогнозираат до 200 милиметри.

— реклама —

Во меѓувреме, тајфунот утрово се наоѓал на околу 130 километри од Наха, главниот град на префектурата Окинава.