Алијанса за Албанците до сега не размислувала да коалицира со опозициската ВМРО-ДПМНЕ, иако градоначалникот на Гостивар, Арбен Таравари, вели дека идеолошки се поблиску до ВМРО-ДПМНЕ отколку со СДСМ.
За „Фокус“ Таравари ја објаснува изјавата дадена за емисијата „Во центар“ и вели дека и двете партии се блиски по идеологијата затоа што се десничарски. На прашање дали доколку во вториот круг влезат само Пендаровски и Силјановска, Алијансата ќе го поддржи кандидатот на ВМРО-ДПМНЕ, тој одговара:
„Ние не сме партија која полни кутии и немаме команда на нашите гласачи. Ќе оставиме граѓаните да одлучат“, вели Таравари.
