Тепачка меѓу ученици во Атина: 14-годишник заврши со тешка повреда на бубрегот

Четиринаесетгодишно момче е хоспитализирано во тешка состојба откако во петокот вечерта било нападнато од свој соученик во Врилисија, северно предградие на Атина, Грција.

— реклама —

Нападот се случил околу 22:30 часот, на крстосница во населбата. Момчето се здобило со сериозни повреди, а било пренесено во приватна болница со повреда на бубрегот.

— реклама —

Според грчките медиуми, лекарите ја следат неговата состојба и разгледуваат можност за оперативно отстранување на бубрегот, доколку неговата состојба дополнително се влоши.

Полицијата го уапсила 14-годишниот осомничен за нападот откако таткото на повреденото момче поднел пријава.

— реклама —

Уапсена била и мајката на осомничениот, под сомнение дека не го надгледувала соодветно својот малолетен син. Таа подоцна била ослободена по налог на обвинителството.

— реклама —

Се очекува 14-годишниот осомничен во недела да биде изведен пред надлежните органи.