Четириесет и тригодишна жена се здобила со тешки прострелни повреди на вратот и главата на стрелиштето Малевизи, во централниот дел на Крит.
Лицата кои се наоѓале на стрелиштето веднаш повикале Итна медицинска помош. Медицинскиот тим ја затекнал жената во срцев застој и успеал да ја реанимира, по што таа била интубирана и префрлена во болница, каде што се наоѓа во критична состојба.
Според првичните информации од полициски извори, жената првпат го посетила стрелиштето и утрото добила привремена дозвола за користење огнено оружје. До повредата дошло во присуство на одговорното лице на стрелиштето.
Полицијата спроведува истрага за причините за инцидентот, при што се разгледуваат повеќе можни сценарија, меѓу кои случајно испукување на оружјето, како и можноста за обид за самоубиство.
