Техеран со закана: Пристаништата во Емиратите стануваат легитимни цели, напуштете ги областите

Иран преку полуофицијалната новинска агенција Тасним ги повика жителите на Обединетите Арапски Емирати веднаш да ги напуштат областите околу неколку големи пристаништа, предупредувајќи дека тие станале „легитимни цели“.

— реклама —

Во објавата се наведува дека станува збор за пристаништата Џебел Али во Дубаи, Калифа во Абу Даби и пристаништето Фуџеира.

— реклама —

Според агенцијата Тасним, овие локации станале потенцијални цели поради, како што се тврди, присуството на американски воени сили во близина на цивилни објекти.

— реклама —

„Тие области станаа легитимни цели поради присуството и криењето на американските воени сили меѓу цивилни објекти и ќе бидат погодени во наредните часови“, се наведува во објавата.

— реклама —

Предупредувањето доаѓа во време на зголемени тензии во Персискиот Залив и ескалација на конфликтот меѓу Иран, Израел и Соединетите Американски Држави.