Легендарните The Beatles ќе добијат официјален музеј во Лондон, кој треба да биде отворен во 2027 година на познатата адреса 3 Savile Row – местото каде што групата го одржа својот последен јавен концерт во 1969 година.
Објектот бил седиште на компанијата „Епл Корпс“ од 1968 до 1972 година, а во неговиот подрум е снимен и албумот „Let It Be“. Новиот музеј ќе содржи седум ката со досега необјавени архивски материјали, тематски изложби, продавница за фанови и реконструкција на оригиналното студио. Посетителите ќе можат да се качат и на прочуениот покрив каде што Џон Ленон, Пол Макартни, Џорџ Харисон и Ринго Стар го одржаа својот последен настап во живо.
Пол Макартни изјави дека долго време сакал фановите конечно да добијат официјална дестинација поврзана со Битлси во Лондон, додека Ринго Стар проектот го опиша со зборовите: „Како повторно да се враќам дома“.
