Во годината во која веќе се појавија обновата на „Running Up That Hill“ на Кејт Буш и „Master of Puppets“ на Металика поради нивната употреба во хит серијата „Stranger Things“, Нирвана исто така се врати на топ листите во 2022 година со песна која првично воопшто не успеа да се најде на табелата - „Something in the Way“.
На најновите топ листи на Mediabase кои ја заокружуваат статистиката за емитување на радио, „Something in the Way“ е на 33-то место на табелата Active Rock и на 48-то на алтернативната листа. Исто така, забележа претходен успех на топ листите на Билборд, достигнувајќи го 2 место на американската листа на прдажба на дигитални рок песни и 5. место на американската листа на продажба на алтернативни дигитални песни. Уште во март оваа година, песната влезе на листата на Billboard Hot 100, на 46-то место.
Значи, што се крие зад интересот за оваа песна стара повеќе од 30 години од албумот „Nevermind“ на Нирвана? Се чини дека зад емитувањето на радиото стои поврзаноста со филмот за Бетмен, објавен претходно оваа година. Уште попривлечна верзија на песната беше објавена во текот на воведниот трејлер за филмот „Бетмен“ од 2020 година, со што на песната ѝ донесе можност да се пробие на одредени топ листи на Билборд.
По првичното објавување на песната на албумот „Nevermind“ од 1991 година, оваа песна го зазеде последното место. Иако албумот беше доста популарен меѓу обожавателите на Нирвана, сепак, таа не беше баш омилена на бендот кога беа во прашање нивните сетови во живо, изведена е само 36 пати (според Setlist.fm) за време на нивните турнеи, што ја прави третата најмалку изведена песна од албумот.
Со својот неодамнешен успех, „Something in the Way“ сега е петта песна на албумот што стигна до Billboard Hot 100 (по „Smells Like Teen Spirit“, „Come as You Are“, „Lithium“ и „In Bloom“), а исто така и нивниот нов прв влез на топ листите по „You Know You're Right“ од 2002 година.
