Припадници за полициската специјална единица „Тигри“ синоќа го уапсиле „Малиот Репки“, познат насилник и рекетар од скопско Батинци.
Триесетгоднишникот е баран со потерница за повеќе сторени кривични дела меѓу кои и два обиди за убиство.
Како што информираа од Министерството за внатрешни работи, криминалецот бил уапсен ноќеска во 01.40 часот во месноста Лавчани на територија на Белес, во акција на полициските специјалци и координација со АНБ. Тој ќе биде предаден на надлежното обвинителство.
