„Тиквешки гроздобер 2026“: Нокаут, Дупер, Жељко Самарџиќ, Џејла Рамовиќ и Пеџа Јовановиќ во Кавадарци - ова е целата програма

Градоначалникот на Кавадарци, Митко Јанчев, ја објави целосната програма за годинашното издание на „Тиквешки гроздобер 2026“, кое ќе донесе музички настапи, традиционален карневал, мото-рели и изложба на олдтајмери.

„Сите настани од Тиквешки гроздобер 2026 – на едно место. Сакате навреме да дознаете што, кога и каде се случува во рамки на Тиквешки гроздобер 2026?“, напиша Јанчев.

— реклама —

Според објавената програма, на 4 септември во 23:30 часот ќе настапи DJ Galoski.

Програмата на 5 септември почнува со мото-рели во 11 часот, а во 18 часот е закажан традиционалниот Тиквешки карневал.

— реклама —

Вечерната музичка програма истиот ден продолжува со Нокаут во 21 часот, Дупер во 22:30 часот и Жељко Самарџиќ во 23:30 часот.

— реклама —

На 6 септември во 10 часот е најавена изложба на олдтајмери, а вечерта, во 21:45 часот, ќе настапи Џејла Рамовиќ.

Во програмата е најавен и настап на Пеџа Јовановиќ.

„Тиквешки гроздобер 2026 – се гледаме во Кавадарци“, порача Јанчев.

Годинашната програма, според објавеното, ќе трае три дена и ќе комбинира традиционални содржини со концерти и забавна програма за посетителите.