Тирана реагира по посетата на Мицкоски во Пустец: Зошто не беше изведена албанската химна?

Албанското Министерство за Европа и надворешни работи реагира поради тоа што на вчерашниот фолклорен фестивал „Преспа 2026“ во Пустец не била изведена и албанската државна химна, покрај македонската. На настанот присуствуваше и премиерот Христијан Мицкоски.

— реклама —

Од Министерството оценуваат дека, иако фестивалот бил организиран од локално здружение, присуството на високи институционални претставници и локални избрани функционери му дало посебна јавна димензија.

„Неизведувањето на албанската државна химна претставува сериозен пропуст и отстапување од пишаните и непишаните правила на учтивост и протокол“, се наведува во реакцијата.

— реклама —

— реклама —

Оттаму додаваат дека почитувањето на националните симболи не треба да биде политичко прашање, туку дел од институционалната етика, протоколот и меѓусебната почит, особено во средини каде што живеат различни заедници.

— реклама —

Мицкоски вчера објави дека ја посетил Мала Преспа и присуствувал на фестивалот „Преспа 2026“, посветен на македонската традиција, култура и фолклор. Тој порача дека границите можат да ги поделат териториите, но не можат да ги избришат јазикот, културата и чувството на припадност.