Албанското Министерство за Европа и надворешни работи реагира поради тоа што на вчерашниот фолклорен фестивал „Преспа 2026“ во Пустец не била изведена и албанската државна химна, покрај македонската. На настанот присуствуваше и премиерот Христијан Мицкоски.
Од Министерството оценуваат дека, иако фестивалот бил организиран од локално здружение, присуството на високи институционални претставници и локални избрани функционери му дало посебна јавна димензија.
„Неизведувањето на албанската државна химна претставува сериозен пропуст и отстапување од пишаните и непишаните правила на учтивост и протокол“, се наведува во реакцијата.
![]([{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9362YEBRCB1FZM7W2K91B.gif","chance":50},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z937P7C633CS99SP77A7TT.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9399AWTQYS76JTASHNB6Z.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93AQ8NFSC3JGHXF78CANS.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93C62E7Z98JRQG22HQ1ZQ.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93DN7FVZHTTP5AWCCK8DP.gif","chance":10}])
Оттаму додаваат дека почитувањето на националните симболи не треба да биде политичко прашање, туку дел од институционалната етика, протоколот и меѓусебната почит, особено во средини каде што живеат различни заедници.
Мицкоски вчера објави дека ја посетил Мала Преспа и присуствувал на фестивалот „Преспа 2026“, посветен на македонската традиција, култура и фолклор. Тој порача дека границите можат да ги поделат териториите, но не можат да ги избришат јазикот, културата и чувството на припадност.
