„Тогаш сфатив дека знае како ќе помине“ – сведоштво на членот на избирачкиот одбор во Србија

Членот на избирачкиот одбор Предраг Поповиќ, кој му го предаде гласачкото ливче на Александар Вучиќ на парламентарните избори во Србија, се огласи на социјалните мрежи и ја опиша средбата со српскиот политичар.

— реклама —

Вучиќ, носител на листата „Обединета Србија“, гласаше на избирачко место во Нов Белград. Видеото на кое Поповиќ му го предава ливчето со насмевка брзо се прошири на социјалните мрежи, а медиумите блиски до власта го протолкуваа неговиот гест како провокација.

— реклама —

Според објавените информации, Вучиќ претходно чекал речиси два часа во редица за да гласа, поради големиот интерес на граѓаните за изборите. Фотографиите направени во тој период покажале дека изгледал загрижено.

— реклама —

Поповиќ во својата објава тврди дека Вучиќ при пристигнувањето на гласачкото место не ги поздравил присутните и не се ракувал со никого.

„Кога дојде на гласачкото место, за разлика од обичните луѓе, дури и не рече ‘добро утро’, не се ракуваше со никого, едвај одеше. Тогаш сфатив дека знае како ќе помине. Се надевав на тоа, знаеше дека е готово“, напиша Поповиќ.