Потпретседателот на СДСМ Фатмир Битиќи при гостувањето во „Утрински брифинг“ за проблемот со снабдувањето на Скопје со парно греење нагласи дека топлинска енергија ќе биде испорачувна до крајот на грејната сезона.
Владата помага со креирање на нова кредитна линија, но не може да се прават исклучоци за приватна компанија од целиот систем, тие треба да ги обезбедат сите гаранции, а ако не можат владата има на располагање други мерки кои по закон може да ги преземе, истакна Битиќи.
Тој додаде дека Владата е тука да осигура јавни услуги за секој граѓанин кои треба да се испорачаат, без разлика дали се од централно или локално ниво.
Во врска со енергетската криза, Битиќи нагласи дека како никогаш досега се обезбедува електрична енергија од домашни ресурси, ставени се на располагање сите капацитети, по прв пат е вклучено ТЕЦ Неготино со 2 котли, ТЕЦ Осломеј, Когел, а деновиве ќе биде пуштен и третиот блок на РЕК Битола.
