Тошковски изрази сочувство за загинатите во Бугарија и порача: Не треба да чекаме нова трагедија за да ја разбереме вредноста на мерките што можат да спасат човечки животи

Министерот за внатрешни работи Панче Тошковски упати сочувство до семејствата на загинатите во тешката сообраќајна несреќа во Бугарија, посакувајќи им на повредените брзо закрепнување.

— реклама —

Тој истакна дека ваквите трагедии се потсетник за неопходноста од постојано вложување во безбедноста на патиштата, нагласувајќи дека превенцијата не смее да биде во фокусот само по големи несреќи.

— реклама —

— реклама —

Според Тошковски, современата технологија, доследното казнување на несовесните учесници во сообраќајот и градењето сообраќајна култура во која се почитуваат правилата треба да бидат постојан приоритет.

— реклама —

„Не треба да чекаме нова трагедија за да ја разбереме вредноста на мерките што можат да спасат човечки животи“, порача Тошковски.