Тошковски на проштална средба со амбасадорот на ОБСЕ: Соработката донесе конкретни резултати за македонската полиција

Министерот за внатрешни работи Панче Тошковски остварил проштална средба со шефот на Мисијата на ОБСЕ во Скопје, амбасадорот Килијан Вал, кому му се заблагодарил за досегашната посветеност и соработката со македонските институции.

— реклама —

Тошковски преку објава на „Фејсбук“ истакна дека партнерството меѓу Министерството за внатрешни работи и ОБСЕ донело конкретни резултати, меѓу кои изградбата и опремувањето на Мултимедијалниот центар за обука во Полициската академија, како и отворањето специјализирани простории за разговор со деца и жртви во Битола, Струмица и Тетово.

— реклама —

— реклама —

Во соработката биле опфатени и зајакнувањето на капацитетите за борба против нелегалната трговија и злоупотребата на оружје, воспоставувањето на Регионалниот К9 центар за обука и сертификација, специјализираните обуки и превентивните кампањи, меѓу кои и „Животот нема рестарт“.

— реклама —

Според Тошковски, овие активности придонеле за подобри услови за работа, посовремена обука и поголема подготвеност на полициските службеници. Тој на амбасадорот Вал му посакал успех во идните професионални ангажмани и изразил уверување дека соработката со ОБСЕ ќе продолжи.