Товарно возило усмрти жена во Струга, возачот приведен

Седумдесетгодишна жена од селото Мислодежда почина по сообраќајна несреќа што се случила вчера попладне на улицата „Струшки Кепенци“ во Струга.

— реклама —

Од Министерството за внатрешни работи информираат дека на 21 февруари 2026 година, околу 16.30 часот, во ОВР Струга било пријавено дека товарно возило „Ивеко“ со струшки регистарски ознаки, управувано од Н.О. (57) од Струга, удрило во И.И. (70) од село Мислодежда, струшко.

— реклама —

— реклама —

По несреќата, повредената била пренесена во Медицинскиот центар Струга за укажување лекарска помош, каде подоцна им подлегнала на повредите.

На местото на настанот извршен е увид од увидна екипа на ОВР Струга. Во 21.40 часот полициски службеници го лишиле од слобода возачот Н.О., а по целосно документирање на случајот ќе следува соодветен поднесок.