Трагедија кај Сенегал: Потона чамец со мигранти, пронајдени 21 загинат

Најмалку 21 лице го загубило животот откако чамец со мигранти потонал во близина на брегот на Сенегал, соопшти Министерството за внатрешни работи на оваа африканска земја.

— реклама —

Според официјалните информации, спасувачките екипи во саботата вечерта пронашле 21 безживотно тело, додека едно лице било спасено. Несреќата се случила во близина на градот Кебемер, околу 180 километри северно од главниот град Дакар.

— реклама —

— реклама —

Потрагата и спасувачките операции продолжуваат, бидејќи властите се обидуваат да утврдат дали има преживеани. Засега не е познато колку лица се наоѓале во чамецот, кој превезувал луѓе што се обидувале нерегуларно да влезат во земјата.

— реклама —

Илјадници луѓе во изминатите години загинале обидувајќи се од Западна Африка да стигнат до Канарските Острови во Шпанија. Според податоците на организацијата за заштита на правата на мигрантите „Вокинг Бордерс“, само во првите пет месеци од оваа година на таа маршрута загинале 635 лица.