Трагедија на Халкидики: Жена од Македонија се удави во Егејското Море

75-годишна туристка од Македонија вчера попладне го загубила животот на плажа во близина на местото Неа Каликратија, на првиот крак од полуостровот Халкидики, објавија грчките медиуми.

— реклама —

Жената била извлечена од морето во тешка состојба, по што на местото веднаш била повикана итна медицинска помош. Таа била пренесена во болницата во Неа Мудања, каде лекарите констатирале смрт.

— реклама —

— реклама —

За случајот е отворена предистражна постапка што ја води Второто пристанишно одделение во Неа Мудања, во рамки на Централната пристанишна управа во Солун.

— реклама —

Надлежните органи наредиле да се изврши обдукција и судско-медицинско вештачење на телото во Службата за судска медицина во Солун, со цел да се утврдат точните причини за смртта.