Трагедија во Египет: Девет деца загинаа кога минибус падна во канал

Девет деца загинаа, а две се повредени откако патнички минибус излетал од патот и паднал во канал во областа Абу Тиг, во египетската провинција Асијут, соопштија локалните власти.

— реклама —

Несреќата се случила на околу 320 километри јужно од Каиро, во регион познат по своите историски знаменитости.

— реклама —

Според локалните медиуми, до трагедијата дошло поради дефект на управувачкиот систем, по што возилото, во кое се превезувале деца, се превртело и паднало во каналот.

Медиумите јавуваат дека децата биле на возраст од 10 до 17 години и се враќале дома од работа на блиските фарми.

— реклама —

Фотографиите објавени од канцеларијата на гувернерот покажуваат голем број луѓе собрани покрај каналот, како и нуркачи кои учествувале во потрагата по настраданите.

Гувернерот на Асијут, Мохамед Елван, наредил итно преземање дополнителни безбедносни мерки, вклучително и поставување бетонски бариери долж бреговите на каналот.