Трагедија по семејно насилство во Грција: Бремена жена го загуби нероденото бебе по напад од поранешниот партнер

Трагичен случај на семејно насилство потресе Грција, откако бремена 38-годишна жена го загубила нероденото дете по напад од нејзиниот поранешен партнер, соопштија властите.

— реклама —

Инцидентот се случил во петокот во населбата Калитеа, каде 28-годишниот маж, кој претходно живеел со жената до нивното раскинување, дошол во нејзиниот дом.

— реклама —

Според полициските информации, по жестока расправија, мажот ја турнал жената на земја и ја удирал со клоци во пределот на стомакот.

Жената, која била во шестиот месец од бременоста, со тешки повреди била пренесена во болницата „Атикион“. Поради влошената состојба на плодот, лекарите извршиле итен царски рез, но бебето не преживеало.

— реклама —

Жената и понатаму е хоспитализирана, додека надлежните органи го истражуваат случајот.

— реклама —

Осомничениот маж е уапсен и е обвинет за обид за убиство и нанесување тешки телесни повреди.