Утрово во населбата Телеп во Нови Сад, Србија, се случило убиство во семејниот стан на улицата „Алекса Шантиќ“.
Според неофицијални информации, 21-годишниот А. Б. ја усмртил својата 49-годишна мајка Љ. Б., по расправија што се случила околу 3 часот по полноќ. Вревата и расправијата ги вознемириле соседите, кои повикале полиција.
Полицајците набрзо пристигнале на адресата, а според информациите, младичот ја отворил вратата и признал дека ја убил мајка си. Тој бил веднаш совладан и приведен.
На местото пристигнала и екипа на Итната медицинска помош, но лекарите можеле само да ја констатираат смртта на жената.
Полицијата и обвинителството извршиле увид во станот, а се утврдуваат околностите и мотивот за убиството.
