Трагедија во семеен дом: Син осомничен за убиство на татко во Гостивар

34-годишен жител на Гостивар е лишен од слобода под сомнение дека го убил својот татко во семејниот дом, информираа од Министерството за внатрешни работи.

— реклама —

Според информациите, на 31 март околу 01:30 часот во Полициската станица Гостивар било пријавено сомневање за убиство во семејство. Полициски службеници веднаш излегле на местото на настанот, каде во куќа бил пронајден починатиот К.Д. (63) со видливи повреди и траги од насилство во пределот на главата.

— реклама —

Поради основано сомнение за сторено кривично дело „убиство“, од слобода бил лишен неговиот син М.Д. (34).

— реклама —

Според првичните изјави на осомничениот, татко му починал претходниот ден околу 14:50 часот по пад во купатило, но случајот не бил пријавен кај надлежните институции.

— реклама —

За настанот е известен јавен обвинител и се преземаат мерки за целосно расчистување на случајот, по што ќе следува соодветна кривична пријава.