Ф.Д.(20) од Крушевац почина откако, како што се сомнева, татко му го избодел со нож, а татко му потоа се самоубил.
„Пред два дена во близина на перална во Крушевац, пронајден е младиот човек Ф.Д. (20) со убодна рана и за жал без знаци на живот. Брзата помош можела само да констатира смрт на младиот човек, со оглед на тоа што тој искрварил до смрт“, вели изворот, додавајќи дека набрзо се испоставило дека смртните повреди на младиот човек ги нанел сопствениот татко по жестока расправија.
Според изворот, таткото со нож го нападнал својот син во семејната куќа каде што живееле.
„Ранетиот млад човек по повредата побегнал од куќата и за жал починал на местото каде што се сокрил од својот татко насилник. Кога дознал дека неговиот син починал, таткото си пресудил. Сцените беа страшни, го најдоа обесен“, додал изворот.
Телата се испратени на обдукција, по што ќе се знаат повеќе детали, а она што засега е познато е дека досега немало пријави за насилство во ова семејство, каде сега се случила двојна трагедија.
