Трамп до Зеленски: Дејствувајте брзо со Русија или ќе пропуштите историска можност

Американскиот претседател Доналд Трамп го повика украинскиот претседател Володимир Зеленски да дејствува побрзо во преговорите со Русија, оценувајќи дека постои можност за постигнување договор.

— реклама —

„Русија сака да постигне договор, а Зеленски ќе мора да дејствува – во спротивно ќе пропушти одлична можност. Мора да се покрене“, изјави Трамп пред новинарите.

— реклама —

— реклама —

Русија и Украина одржаа две рунди мировни преговори со посредство на Соединетите Американски Држави во Абу Даби, главниот град на Обединетите Арапски Емирати, во јануари и претходно овој месец. Како резултат на разговорите беше договорена првата размена на воени заробеници по пауза од пет месеци.

— реклама —

Од Кремљ денеска соопштија дека следната рунда мировни преговори меѓу Русија и Украина ќе се одржи на 17 и 18 февруари во Женева, Швајцарија.