Трамп е уверен дека ќе заврши војната во Украина

Американскиот претседател Доналд Трамп изјави дека е уверен оти војната во Украина ќе заврши наскоро, бидејќи – според него – „целиот свет е веќе уморен од тоа“.

— реклама —

На прашање дали разбира кои се „темелните причини“ за конфликтот – фраза што често ја користи рускиот претседател Владимир Путин за да ја оправда својата инвазија – Трамп одговори:

— реклама —

„Војната ќе заврши. Овој господин (Зеленски) сака да заврши, Владимир Путин сака да заврши, мислам дека на целиот свет му е доста и ние ќе го прекинеме“.

Трамп повторно се пофали со својата улога како „мировен лидер“:

— реклама —

„Јас завршив шест војни. Мислев дека оваа ќе биде најлесна, но не е така – тешка е и има многу причини за тоа. За тоа ќе се зборува уште долго.“

— реклама —

Тој додаде дека има „самодоверба“ и верува дека решението е достижно, иако не откри детали околу можните договори или услови.