Трамп: Го убедив Ердоган да не влезе во војната на страната на Иран

Американскиот претседател Доналд Трамп изјави дека лично го убедил турскиот претседател Реџеп Таип Ердоган да не се приклучи на војната на страната на Иран, истовремено најавувајќи можност за деблокирање на испораката на борбените авиони Ф-35 за Турција.

Во обраќање пред новинарите во Овалната соба, Трамп рече дека Ердоган бил „главен кандидат“ за вклучување во конфликтот, посочувајќи го неговиот однос кон Израел.

— реклама —

„Тој беше главен кандидат да влезе во војната со Иран, можеби дури и на иранската страна, бидејќи не е голем љубител на Израел. Го замолив да остане настрана и тој остана настрана“, изјави Трамп.

Сепак, американските медиуми наведуваат дека Турција претходно не покажала знаци дека планира да се вклучи во конфликтот на страната на Иран, а во одреден момент турските сили дури се нашле под ирански оган.

— реклама —

И покрај тоа, Трамп продолжи со пофалбите за турскиот лидер.

— реклама —

„Ердоган е голем лидер, многу силна личност. Сè што сум побарал од него, тој го направил“, истакна американскиот претседател.

Запрашан за можната продажба на оружје на Турција, вклучително и авиони Ф-35, Трамп одговори дека постои можност за постигнување договор.

— реклама —

„Мислам дека да. Веројатно ќе направам нешто што многу ќе го израдува“, рече тој.

Американскиот потпретседател Џеј Ди Венс појасни дека за евентуална одлука ќе биде потребно исполнување на законските процедури и согласност од американскиот Конгрес, по што Трамп повторно изрази уверување дека прашањето ќе биде решено.