Трамп го задолжи Венс да ја истражува наводната корупција во државите управувани од демократите

Американскиот претседател Доналд Трамп му наложил на потпретседателот Џеј Ди Венс целосно да се посвети на, како што тврди, распространетата корупција и криминалот во градовите и сојузните држави управувани од Демократската партија.

— реклама —

Како примери ги посочил Минесота, Калифорнија и Илиноис, чии власти ги обвинил дека управуваат со лошо организирани и корумпирани системи.

— реклама —

Трамп тврди дека секој месец се крадат милијарди долари и оценува дека запирањето на овие криминални активности би овозможило брзо урамнотежување на државниот буџет. Тој упатил и остри критики до раководството на Демократската партија, тврдејќи дека корупцијата им е длабоко вкоренета.

Во истата објава, американскиот претседател се осврнал и на Иран, порачувајќи дека на САД не им е потребен договор со Техеран и дека времето за таков договор одамна поминало.

— реклама —

Тој тврди дека САД располагаат со ирански пари во вредност од „стотици милијарди долари“, како и дека имаат контрола врз Ормускиот Теснец.

— реклама —