Трамп и Нетанјаху на спротивни страни? Израелските медиуми со насловна страница „Судир“

Наместо за договорот меѓу САД и Иран, насловната страница на најтиражниот израелски дневен весник „Једиот Ахронот“ утрово беше посветена на друг „судир“ – оној меѓу американскиот претседател Доналд Трамп и израелскиот премиер Бенјамин Нетанјаху.

— реклама —

Под насловот „Судир“, весникот укажува на сè поочигледните разлики меѓу Вашингтон и неговиот најсилен сојузник на Блискиот Исток во однос на договорот постигнат со Иран. Според информациите, Израел бил информиран за договорот, но не бил консултиран во процесот на неговото креирање.

— реклама —

Во интервју за „Њујорк тајмс“, Трамп го опишал Нетанјаху како „многу тежок тип“, што дополнително ги поттикна шпекулациите за заладени односи меѓу двајцата лидери.

Според анализата на Би-би-си, Трамп, соочен со притисок од американското јавно мислење и во пресрет на конгресните избори во ноември, настојува да стави крај на војната, која во САД сè повеќе се смета за непопуларна и скапа.

— реклама —

Од друга страна, Нетанјаху се соочува со сосема поинаков политички контекст. Израелскиот премиер е под притисок од домашната јавност и од својата политичка база да продолжи со тврдата безбедносна политика. Дополнително, во наредните месеци го очекуваат избори, а дел од анкетите покажуваат дека тие би можеле да го означат крајот на неговото владеење и да ја зголемат можноста да се соочи со затворска казна поради обвиненијата за корупција.

— реклама —

Во такви околности, претставувањето како воен лидер кој ја гарантира безбедноста на Израел се смета за еден од клучните фактори за политичкиот опстанок на Нетанјаху.