Трамп ја обвини „Фокс њуз“ за изборниот пораз на републиканците

Американскиот претседател Доналд Трамп упати остри критики кон телевизиската мрежа „Фокс њуз“, обвинувајќи ја дека придонела за изборниот пораз на републиканците на меѓуизборите во САД, откако демократите, според првичните проекции, ја презедоа контролата врз двата дома на Конгресот.

— реклама —

Трамп реагираше на гостувањето на поранешниот градоначалник на Њујорк, Бил де Блазио, во програмата на телевизијата, кого го нападна во објава на социјалните мрежи. Тој го нарече најлош градоначалник во историјата на Њујорк и го обвини за штетата што, според него, му ја нанел на градот.

— реклама —

Американскиот претседател потоа директно ја обвини „Фокс њуз“ за изборниот неуспех на републиканците, замерувајќи ѝ што редовно поканува претставници на Демократската партија во своите емисии.

— реклама —

Претходно Трамп им ја честиташе победата на демократите и призна дека прашањето за Иран било еден од факторите што влијаеле врз изборните резултати. Сепак, тој ја отфрли оценката дека станува збор за негов личен пораз, наведувајќи дека неговото име не било на гласачкото ливче.

— реклама —

Според медиумските проекции, демократите ја презеле контролата врз Сенатот и Претставничкиот дом, што би можело значително да ја отежни реализацијата на законодавната програма на Трамп.