Трамп ќе се сретне со Путин и Си Џинпинг, Украина најверојатно нема да биде тема

Американскиот претседател Доналд Трамп, кинескиот претседател Си Џинпинг и рускиот претседател Владимир Путин следниот четврток ќе одржат трилатерална средба во кинескиот град Шенжен, на маргините на Самитот на Азиско-пацифичката економска соработка (АПЕК), соопшти Белата куќа.

— реклама —

Портпаролката на Белата куќа, Оливија Велс, изјави дека една од главните теми ќе биде намалувањето на нуклеарното оружје. Таа истакна дека Трамп смета оти ширењето на нуклеарното оружје претставува сериозна опасност и дека сака да се посвети на ова прашање.

— реклама —

Според американски претставник, Трамп планира да го отвори и прашањето за Иран, додека темата за Украина најверојатно нема да биде дел од трилатералните разговори. Причината е што Вашингтон води одделни дипломатски процеси со Киев и Москва, во кои Пекинг не учествува.

Илон Маск ќе биде дел од американската делегација за време на посетата на Кина, но нема да присуствува на состанокот на тројцата претседатели. Трамп, исто така, ќе има посебен работен ручек со Си Џинпинг, што ќе биде нивна четврта средба откако американскиот претседател повторно ја презеде функцијата во јануари 2025 година.

— реклама —

Засега не е планирана посебна билатерална средба меѓу Трамп и Путин. Од Белата куќа, во пресрет на посетата, соопштија и дека прашањата поврзани со компанијата „Нвидија“ и американските ограничувања за извоз на напредни чипови нема да бидат дел од разговорите со кинеската страна.

— реклама —

Трамп ќе отпатува во Азија во понеделник. Најпрво ќе ги посети Филипините, а потоа ќе замине за Шенжен, каде што ќе се одржи самитот на АПЕК.