Трамп: Ме чека голема група генерали за разговори за Иран

Американскиот претседател Доналд Трамп изјави дека го очекува состанок со „голема група генерали“ за разговори поврзани со Иран.

— реклама —

Трамп ова го кажа за време на настан во Овалната соба посветен на здравствената заштита на мајките, кога им порача на присутните да бидат кратки, бидејќи мора да замине на состанок.

— реклама —

„Не зборувајте предолго, затоа што ме чека голема група генерали, а и тоа е важно, поврзано со апсолутно прекрасната земја Иран“, изјави Доналд Трамп.

— реклама —

Изјавата ја даде додека зад него стоеја жени кои ги претставуваа предлозите на администрацијата за подобрување на здравствената грижа за мајките и поддршка на мајчинството.

Меѓу присутните била и републиканската сенаторка Кејти Брит, која ја предводи иницијативата поврзана со мајчинството.