Трамп: Омразата меѓу Путин и Зеленски е бесмислена и луда

Американскиот претседател Доналд Трамп изјави дека водел „добри разговори“ со рускиот претседател Владимир Путин и украинскиот претседател Володимир Зеленски, во обид да се стави крај на војната во Украина.

— реклама —

Во интервју за емисијата „The Sunday Briefing“ на „Фокс њуз“, Трамп рече дека САД работат на решавање на „руската и украинската ситуација“, изразувајќи надеж дека ќе биде постигнат договор.

— реклама —

Тој не откри кога последен пат разговарал со Путин, но потврди дека комуникацијата со двајцата лидери е во тек. Според него, разговорите биле „добри“, без да даде детали за нивната содржина или времетраење.

— реклама —

Трамп оцени дека „омразата“ меѓу Путин и Зеленски е „бесмислена“ и „лоша работа“ кога се водат преговори, додавајќи дека верува оти договор за крај на конфликтот ќе биде постигнат.

— реклама —

Американскиот претседател претходно вети дека ќе ја заврши војната која започна со руската инвазија врз Украина во февруари 2022 година, но конфликтот и натаму продолжува и повеќе од година по неговиот втор мандат.