Американскиот претседател Доналд Трамп потврди дека во телефонски разговор со израелскиот премиер Бенјамин Нетанјаху употребил остри зборови поради продолжените израелски воени операции во Либан.
Во интервју за подкаст, Трамп призна дека бил незадоволен од ситуацијата и одлуките на израелската влада, потврдувајќи ги претходните медиумски извештаи за напнат разговор меѓу двајцата лидери.
Според неговите зборови, главна тема на разговорот биле најновите израелски воздушни и копнени напади врз Либан, кои, како што оцени, дополнително го загрозуваат кревкиот прекин на огнот во регионот.
„Му реков дека мора да престане со тоа“, изјавил Трамп, додавајќи дека бил вознемирен од континуираните судири.
И покрај острите критики, американскиот претседател нагласи дека и понатаму има добри односи со Нетанјаху.
„Го почитувам и добро соработуваме“, рекол Трамп, истакнувајќи дека несогласувањата околу одредени прашања не значат нарушување на партнерството меѓу двете земји.
Неговите коментари доаѓаат во период на зголемени тензии на Блискиот Исток и засилени дипломатски напори за одржување на примирјето во регионот.
