Трамп призна: „Да, побегнав“ – тајно го смени авионот поради безбедносна закана

Американскиот претседател Доналд Трамп откри дека минатиот месец тајно бил префрлен од претседателскиот во воен авион во Турција поради безбедносни причини, при што истакна дека постапил според инструкциите на Тајната служба.

Трамп на 8 јули, на аеродромот во Анкара, непосредно пред полетувањето по самитот на НАТО, бил префрлен во друг авион со помош на камион за кетеринг, според планот на американските безбедносни служби. Тие, наводно, претходно добиле информации за можна закана поврзана со Иран.

— реклама —

„Тоа зависи од Тајната служба. Јас само го правам она што тие сакаат да го направам и ги следам инструкциите на Тајната служба и војската“, изјави Трамп за CBS News.

— реклама —

На прашањето дали постоела конкретна закана, Трамп рече дека не навлегувал во детали.

„Претпоставувам дека постоеше закана. Не прашував многу за тоа. Добивам многу закани“, изјави американскиот претседател.

— реклама —

Тој ги отфрли и сомнежите дека тајната промена на авионот можела да ги изложи на опасност неговите соработници и новинарите кои останале во леталото за кое се претпоставувало дека го превезува претседателот.

— реклама —

Трамп оцени дека поголем ризик постоел за авионот со кој тој навистина отпатувал.

Патувањето во Турција за самитот на НАТО во јули беше прво меѓународно патување на Трамп со новиот претседателски авион, кој САД го добија како подарок од Катар и кој дополнително беше опремен за да ги исполнува безбедносните барања за превоз на американскиот претседател.