Трамп: Разочаран сум поради Зеленски

Американскиот претседател Доналд Трамп изјави дека не е сигурен дали украинскиот претседател Володимир Зеленски ќе се согласи со новиот американски предлог за завршување на руската агресија во Украина. Според него, САД веќе воделе разговори и со рускиот претседател Владимир Путин и со украинските претставници, вклучително и со самиот Зеленски.

„Морам да кажам дека сум малку разочаран што претседателот Зеленски сè уште го нема прочитано предлогот, а тоа беше пред неколку часа“, рече Трамп, додавајќи дека Москва формално би сакала да ја контролира цела Украина, но дека „Русија, верувам, е во ред со предлогот“. Тој, сепак, истакна дека не е сигурен дали Киев ќе прифати

— реклама —

На Флорида, специјалниот пратеник на Трамп, Стив Виткоф, и неговиот зет Џаред Кушнер од четвртокот одржуваат серија состаноци со украински претставници. Меѓу нив биле поранешниот министер за одбрана Рустем Умеров и началникот на Генералштабот Андриј Хнатов. Пред тоа, во Москва, делегацијата на Трамп одржала петчасовна средба и со Владимир Путин.

— реклама —

При крајот на разговорите на Флорида, Зеленски телефонски се приклучил на средбите, оценувајќи ги како „конструктивни“.

Во своето редовно видео-обраќање, Зеленски потврди дека САД ги знаат украинските позиции.

— реклама —

„Американските претставници ги знаат основните украински ставови. Разговорот беше конструктивен, иако не и лесен“, изјави тој.

Не е познато како се развивал американскиот мировен план од 28 точки во изминатите три недели, но остануваат неразрешени клучните прашања – статусот на окупираните територии и евентуалните американски безбедносни гаранции за Украина.

Москва тврди дека е отворена за преговори и ја обвинува Украина и Западот дека го блокираат мирот. Киев и неговите сојузници, пак, велат дека Русија ја користи дипломатијата за да ги зацементира територијалните придобивки од војната.