Американскиот претседател Доналд Трамп повторно повика на прекин на војната во Украина, откако зачестените украински напади врз руските енергетски објекти придонесоа за нов раст на цените на дизелот во Русија.
Трамп на социјалната мрежа Truth Social оцени дека Русија поради војната со Украина „изгубила контрола“ врз својата индустрија за производство на дизел. Тој наведе дека голем број рафинерии се оштетени и привремено не работат.
Американскиот претседател порача дека, според него, „апсурдната и бескрајна војна“ треба да заврши, додавајќи дека последиците од конфликтот ги чувствува целиот свет.
![]([{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9362YEBRCB1FZM7W2K91B.gif","chance":50},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z937P7C633CS99SP77A7TT.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9399AWTQYS76JTASHNB6Z.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93AQ8NFSC3JGHXF78CANS.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93C62E7Z98JRQG22HQ1ZQ.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93DN7FVZHTTP5AWCCK8DP.gif","chance":10}])
Трамп во изјавата повторно се осврна и на бројот на загинати во конфликтот, тврдејќи дека секој месец загинуваат околу 25.000 луѓе, главно војници.
За утре е најавена средба меѓу Трамп и украинскиот претседател Володимир Зеленски на маргините на Генералното собрание на Обединетите нации.
Американскиот претседател и претходно ја повикуваше Украина да ги запре нападите со беспилотни летала со долг дострел врз руските нафтени постројки, со образложение дека тоа би придонело за стабилизирање на енергетскиот пазар.
Во меѓувреме, цената на дизелот во САД во понеделникот достигна рекордни 6,51 долар за галон.
