Трамп: САД можеби повторно ќе го нападнат Иран

Американскиот претседател Доналд Трамп изјави дека САД можеби повторно ќе го нападнат Иран и дека бил „само еден час“ оддалечен од носење таква одлука.

— реклама —

„Само еден час ме делеше денес од одлука за напад“, изјави Трамп пред новинарите во Белата куќа.

— реклама —

Тој додаде дека иранските власти бараат договор, но предупреди дека доколку не се постигне, во наредните денови може да следува нов американски напад.

„Можеби во петок, сабота или недела, можеби на почетокот на следната недела“, рече Трамп, додавајќи дека САД нема да дозволат Иран да развие ново нуклеарно оружје.

— реклама —

Говорејќи за Куба, Трамп изјави дека верува оти е можен дипломатски договор со владата во Хавана.

„Куба нѐ повикува. Им треба помош“, рече американскиот претседател, додавајќи дека земјата е „пропадната нација“ на која ѝ е потребна поддршка.