Трамп: САД планираат наскоро да се повлечат од Иран

Американскиот претседател Доналд Трамп изјави дека САД „прилично брзо“ ќе се повлечат од Иран, но предупреди дека остануваат подготвени да се вратат со „прецизни удари“ доколку тоа биде неопходно, јавува Ројтерс.

— реклама —

Изјавата доаѓа само неколку часа пред најавеното обраќање на Трамп до нацијата. На прашањето кога ќе се смета дека војната во Иран е завршена, тој одговори дека не може точно да прецизира, но нагласи дека повлекувањето ќе следи наскоро.

— реклама —

Трамп тврди дека американската воена акција обезбедила Иран да не може да развие нуклеарно оружје.

— реклама —

„Нема да имаат нуклеарно оружје, бидејќи сега се неспособни за тоа. Потоа ќе се повлечам и ќе ги повлечам сите сили. Ако биде потребно, ќе се вратиме за да извршиме прецизни удари“, изјави американскиот претседател.

Воедно, тој упати остри критики кон НАТО, изразувајќи незадоволство од, како што оцени, недоволната поддршка на Алијансата за американските цели во Иран. Трамп потврди дека „апсолутно“ ја разгледува можноста за повлекување на САД од НАТО.