Трамп сака договор, Нетанјаху бара продолжување на војната со Иран

Американскиот претседател Доналд Трамп и израелскиот премиер Бенјамин Нетанјаху наводно влегле во сериозно несогласување околу натамошниот тек на конфликтот со Иран, открива „Axios“, повикувајќи се на извори запознаени со разговорот.

— реклама —

Според информациите, двајцата лидери во вторникот телефонски разговарале за новиот обид за постигнување договор со Техеран, а разговорот бил напнат.

— реклама —

Трамп наводно смета дека сè уште постои можност за дипломатски договор и засега не сака да нареди масовен напад врз Иран, додека Нетанјаху бил длабоко скептичен кон преговорите и сакал продолжување на воените операции.

Американски извор за „Axios“ изјавил дека Трамп му кажал на Нетанјаху дека посредниците работат на „писмо за намери“, кое би го потпишале САД и Иран, со цел формално да се стави крај на војната и да започне 30-дневен период на преговори за иранската нуклеарна програма и отворањето на Ормускиот Теснец.

— реклама —

Два израелски извори потврдиле дека меѓу двајцата лидери постојат сериозни разлики околу правецот на разговорите, а американски извор тврди дека Нетанјаху бил бесен по телефонскиот разговор.

— реклама —

„Биби секогаш е загрижен“, рекол еден од изворите, алудирајќи на израелскиот премиер.