Трамп сакал Атлантскиот или Тихиот Океан да го нарече „Океан на Трамп“, Гугл ја одбил идејата

Американскиот претседател Доналд Трамп им раскажал на своите поддржувачи дека наводно предложил Атлантскиот или Тихиот Океан да го добие името „Океан на Трамп“, но дека Гугл ја одбил неговата идеја.

— реклама —

Говорејќи во петокот на предизборен собир во сојузната држава Џорџија, Трамп рекол дека на претставници на интернет-компанијата им испратил карта на која океанот бил означен со неговото име. Според неговото раскажување, тие го одбиле предлогот, објаснувајќи дека океаните се протегаат низ териториите на многу држави и дека таква промена не е можна.

— реклама —

Трамп тврди дека претставниците на Гугл му рекле дека им е доста од промени и дека неговиот предлог е премногу. Засега, сепак, нема потврда дека разговорот навистина се случил.

Во 2025 година, Трамп со извршна уредба го преименува Мексиканскиот Залив во „Американски Залив“. Во август годинава, според неговите наводи, истото го направил и со езерото Онтарио, на границата меѓу САД и Канада, нарекувајќи го „Американско Езеро“. „Гугл мапс“ ги прифати двете промени за корисниците во САД.

— реклама —

Трамп признал дека овојпат се шегувал со идејата за преименување на океан, но додал дека тоа не било најлошиот предлог што некогаш му паднал на ум.

Американскиот претседател и претходно навестувал дека би сакал некој океан да го носи неговото име. Тој, исто така, предложил Ормускиот Теснец да се преименува во „Теснец на Трамп“, очигледно во обид да го испровоцира Иран, со кој САД се во војна.