Трамп со нови остри пораки кон Иран: „Можеби ќе мора да исчистиме малку“

Американскиот претседател Доналд Трамп изјави дека го фрлил најновиот одговор од Иран бидејќи, како што рече, уште првата реченица била „неприфатлива“.

Говорејќи во авионот „Ер Форс Уан“ на враќање од Кина, Трамп изјави:

— реклама —

„Го погледнав. Ако не ми се допаѓа првата реченица, едноставно го фрлам“, додавајќи дека воведот во пораката од Техеран бил „неприфатлив“.

Тој истакна дека Соединетите Американски Држави првично не биле за прекин на огнот со Иран, туку дека тоа било направено на барање на други држави.

— реклама —

„Можеби ќе мора да направиме малку ‘чистење’, бидејќи имавме мал едномесечен прекин на огнот, ако така сакате да го наречете. Не бев баш за прекин на огнот, но тоа го направивме како услуга за Пакистан – прекрасни луѓе“, рече Трамп.

Американскиот претседател додаде и дека САД го контролираат Ормутскиот теснец.

— реклама —

„Ние го контролираме Ормутскиот теснец, а тие немаа никаква врска со тоа... многу добро се снаоѓавме на сите фронтови. Во суштина ги уништивме нивните вооружени сили“, изјави Трамп.

Тој посочи дека кинескиот претседател Си Џинпинг „цврсто верува“ дека Иран не треба да поседува нуклеарно оружје и дека сака повторно да се отвори теснецот за пловидба.

Трамп нагласи и дека би прифатил иранската нуклеарна програма да биде замрзната на 20 години, но само доколку постои „вистинска посветеност“ од страна на Техеран.