Трамп со порака до Иран и Израел: „Веднаш прекинете со нападите“

Американскиот претседател Доналд Трамп упати јавен повик до Израел и Иран веднаш да ги прекинат меѓусебните напади, по најновата ескалација на тензиите на Блискиот Исток.

— реклама —

Во објава на својата социјална мрежа „Трут соушал“, Трамп порача дека двете земји мора без одложување да престанат со размената на оган.

— реклама —

„Иран и Израел мора веднаш да престанат да пукаат“, напиша Трамп во кратката порака објавена на неговиот профил.

Неговата реакција доаѓа по новиот бран напади меѓу Израел и Иран, кои повторно ги зголемија стравувањата од поширока регионална ескалација и дополнително влошување на безбедносната состојба на Блискиот Исток.

— реклама —

Засега, Трамп не изнесе дополнителни детали за евентуални американски дипломатски активности ниту, пак, прецизираше дали Вашингтон е директно вклучен во напорите за намалување на тензиите меѓу двете земји.

— реклама —

Меѓународната заедница во изминатите денови упати повеќе повици за воздржаност и враќање на дипломатските канали, со цел да се спречи натамошно ширење на конфликтот во регионот.