Трамп со порака до Иран: Или ќе преговараат, или ќе се соочат со проблеми какви што никогаш досега не виделе

Американскиот претседател Доналд Трамп изјави дека е уверен оти Иран ќе прифати преговори, но предупреди дека во спротивно земјата ќе се соочи со сериозни последици.

— реклама —

„Или ќе преговараат, или ќе се соочат со проблеми какви што никогаш досега не виделе“, изјавил Трамп

— реклама —

Тој нагласи дека САД се надеваат на „фер договор“ кој ќе му овозможи на Иран да се обнови, но под јасен услов – да нема нуклеарно оружје.

— реклама —

„Кога ќе постигнат договор, нема да имаат нуклеарно оружје. Нема да имаат ниту пристап ниту можност да дојдат до него. Тоа не можеме да го дозволиме“, изјави Трамп. Тој додаде дека ваквото оружје претставува закана со глобални последици: „Тоа може да значи уништување на светот, а ние тоа нема да го дозволиме“.

На крајот, Трамп истакна дека САД немале избор во однос на своите постапки кон Иран, оценувајќи дека тие биле неопходни.