Трамп тврди дека Маск ги укинал ограничувањата, украинските дронови и натаму губат врска

Украинските беспилотни летала и натаму се соочуваат со прекини на сателитската интернет-врска при поголеми брзини, и покрај тврдењето на американскиот претседател Доналд Трамп дека Илон Маск ги укинал ограничувањата на системот „Старшилд“, воената верзија на „Старлинк“.

Според „Политико“, украински владини претставници и оператори на дронови потврдиле дека ограничувањата сè уште влијаат врз операциите, особено врз беспилотните летала што се користат за пресретнување руски нападни дронови.

„Утринските тестирања покажуваат дека ограничувањата на брзината од 140 до 160 километри на час сè уште се во сила, а навигацијата не функционира правилно“, изјавил анонимен претставник на украинската влада.

— реклама —

Претставник на Министерството за одбрана на Украина посочил дека дроновите продолжуваат да ја губат врската при брзина од 161 километар на час и дека засега нема потврда оти ограничувањата се целосно отстранети.

Украинските единици започнале нови тестирања откако Трамп изјавил дека Маск повторно ја овозможил услугата. При дел од тестовите над Црното Море биле достигнати брзини до 200 километри на час, но операторите забележале дека врската и понатаму се прекинува при забрзување.

— реклама —

„Кога ќе забрзаме над 180 километри на час, летаме неколку минути и врската се прекинува. Кога брзината ќе падне на 140 до 150 километри на час, врската повторно се воспоставува. Ситуацијата е подобра, но прекините продолжуваат“, изјавил оператор со повикувачко име Леон, припадник на украинската единица „Птиците на Маѓар“.

Ограничувањата на „Старшилд“ предизвикале проблеми во украинските операции со дронови пресретнувачи, кои се користат против руските беспилотни летала од типот „Шахед“. Според украинските претставници, дел од важните операции биле отежнати, а одредени дронови делумно ја изгубиле оперативната функционалност.

Прашањето кој ги вовел ограничувањата дополнително предизвикало несогласувања. Маск тврдел дека американската влада го контролира „Старшилд“, додека американскиот државен секретар Марко Рубио изјавил дека администрацијата не може да ѝ наредува на приватната компанија „Спејс екс“ како да управува со своите услуги во Украина.

— реклама —

Украинскиот претседател Володимир Зеленски, пак, оцени дека ограничувањето било намерно спроведена операција за намалување на брзината на системот над украинска територија.

Од украинската влада наведуваат дека со денови не добиле официјално објаснување кој ја донел одлуката и од кои причини.

„Волстрит журнал“ претходно објави дека Трамп телефонски разговарал со Маск и побарал отстранување на ограничувањата. Американскиот претседател, сепак, избегнал директно да потврди дали лично го направил повикот.

„Не сакам да кажам. Тоа е многу интересна ситуација. Мојот однос со Илон е многу добар. Не сакам да коментирам дали се јавив јас или некој друг. Важно е дека тој го врати“, изјавил Трамп.

И покрај овие тврдења, украинските оператори посочуваат дека подобрувања има, но