Трамвај удри во автомобил: Возачот бил под дејство на дрога и без важечка возачка дозвола

Возачот на трамвајот кој вчера учествувал во сообраќајна несреќа во Сараево управувал под дејство на дрога и со истечена возачка дозвола, јавува Klix.ba. Несреќата се случила кај Царев мост, во близина на Башчаршија, при што и возачот на трамвајот и возачот на патничкото возило се здобиле со полесни повреди.

— реклама —

— реклама —

Полицијата по несреќата го тестирала возачот Н.К. (1987) од Сараево. Алкотестот бил негативен, но тестот за дроги покажал присуство на забранети супстанци. Исто така, утврдено е дека возачот немал важечка возачка дозвола бидејќи му истекла. Двете возила претрпеле материјална штета, а возачите биле пренесени во болница.

— реклама —

— реклама —

Полицијата на Стари Град ќе покрене прекршочна постапка против Н.К., како и против правното лице КЈКП „ГРАС“ и одговорните лица во претпријатието.