Трет ден од Светскиот економски форум во Давос, Мицкоски со порака: Македонија мора храбро да влезе во глобалната енергетска трка

Започна третиот ден од Светскиот економски форум во Давос, каде што Македонија ја претставува премиерот Христијан Мицкоски, кој вчера порача дека земјата не смее да остане на маргините на глобалните енергетски и економски промени и дека е неопходно храбро редефинирање на развојниот курс.

— реклама —

По низата средби и дискусии, фокусот, како што истакна Мицкоски, бил ставен на енергетиката како клучен двигател на идниот економски раст. Тој учествуваше на панел за енергетика со американскиот секретар за енергетика Крис Рајт и водечки претставници на светската енергетска индустрија, при што се разговарало за идниот развој на производството на електрична енергија и можностите за вклучување на Македонија во тој процес.

— реклама —

— реклама —

Мицкоски нагласи дека глобалната побарувачка за електрична енергија ќе расте забрзано и дека Македонија мора активно да ги отвори замрзнатите енергетски проекти како Чебрен, Галиште и Бошков Мост, како и да го искористи потенцијалот за инвестиции во обновливи извори на енергија, за кои веќе постои интерес од меѓународни инвеститори.

— реклама —

Во текот на денот во Давос се одржуваат повеќе панели и обраќања на светски лидери, меѓу кои и најавеното обраќање на американскиот претседател Доналд Трамп. Форумот, кој трае до 23 јануари, годинава обединува околу 3.000 учесници од 130 земји и се одржува под мотото „Духот на дијалогот“.