Три „ер трактори“ гаснат пожар на Жеден, Ангелов очекува целосна контрола до крајот на денот

Трите „ер трактори“ на Дирекцијата за заштита и спасување денеска се ангажирани во гаснењето на пожарот на Жеден, во Општина Јажинце, информира директорот на ДЗС, Стојанче Ангелов.

— реклама —

Во видеоизјава од местото на пожарот, Ангелов посочи дека огнот зафатил исклучително стрмен терен со густи грмушки, поради што движењето е отежнато, а пожарникарите не можат директно да дејствуваат.

— реклама —

Поради тоа, трите „ер трактори“ се користат со концентрирано дејство на неколку точки, со цел да се спречи понатамошното ширење на огнот и да се воспостави делумна контрола врз пожарот.

— реклама —

„На тој начин ќе воспоставиме делумна контрола, а можеме до крајот на денот и целосна контрола на овој тежок за гаснење пожар“, изјави Ангелов.

Тој упати и благодарност до тројцата пилоти на ДЗС, кои секојдневно се ангажирани во гаснењето на пожарите и летаат ниско над огнените жаришта за да помогнат во справувањето со огнената стихија.