Три лица уапсени поради превоз на огревно дрво без соодветни документи

Три лица се лишени од слобода откако полицијата при контрола во атарот на велешкото село Теово пронашла товарно возило натоварено со огревно дрво, од кое дел било без жиг, а дел било обележано со жиг.

— реклама —

Според МВР, на 7 октомври, полициски службеници од Полициското одделение Чашка и Отсекот за економски криминал при СВР Велес го лишиле од слобода Б.Н. (53) од село Лисиче, С.К. (33) од село Горно Врановци и Б.К. (57) од Велес.

— реклама —

При контролата, на местото викано „Присој“ било затекнато товарно возило „ман“ со велешки регистарски ознаки. За дел од дрвата Б.Н. и С.К. не поседувале соодветна документација.

— реклама —

Од МВР информираат дека дрвата кои имале жиг биле обележани со службен „чекан“ што на двајцата мажи им го дала Б.К., вработена во ЈП „Национални Шуми“, подружница „Бабуна“ Велес.

— реклама —

За случајот бил известен јавен обвинител. Дрвата и останатите предмети биле одземени, а по целосното расчистување и документирање на настанот ќе бидат поднесени соодветни пријави.