Три лица загинаа, 23 се повредени во израелските напади врз Либан

Најмалку три лица загинаа, а 23 се повредени во израелските напади врз јужен и источен Либан во текот на ноќта, соопшти либанското Министерство за здравство.

— реклама —

Според информациите на Министерството, нападите биле извршени на пет локации во јужните региони Тир и Набатија, како и во источниот регион Бека.

— реклама —

Засега нема информации колку од загинатите и повредените се припадници на воените сили, а колку се цивили.

— реклама —

Нападите уследиле по напад со беспилотни летала, извршен од Хезболах врз израелски војници кои дејствувале во безбедносната зона во јужен Либан.

Најновите случувања дополнително ја зголемуваат напнатоста долж израелско-либанската граница, каде што и покрај напорите за смирување на состојбата периодично доаѓа до вооружени инциденти.