Три предупредувачки знаци дека некој можеби го компромитирал вашиот телефон

Паметните телефони денес содржат огромна количина лични податоци – од фотографии и пораки до банкарски сметки и лозинки. Токму затоа тие сè почесто се мета на хакери и злонамерен софтвер, а експертите предупредуваат дека корисниците треба навреме да ги препознаат знаците на можна злоупотреба.

— реклама —

Еден од најчестите симптоми е необјасниво прегревање на уредот. Иако е нормално телефонот да се загрее при полнење или користење на апликации што трошат повеќе ресурси, прегревање при вообичаени активности, како прелистување на социјалните мрежи или проверка на електронска пошта, може да укажува на сомнителни процеси што работат во позадина.

— реклама —

Друг знак е невообичаено брзо празнење на батеријата. Доколку батеријата почне значително побрзо да се троши без очигледна причина, можно е на уредот да има злонамерна програма што ги користи неговите ресурси без знаење на корисникот. Во такви случаи, рестартирањето на телефонот може привремено да ги прекине активните процеси.

Експертите предупредуваат и на забавена работа на уредот. Ако апликациите се отвораат со големо задоцнување, телефонот често „замрзнува“ или реагира бавно на команди, можно е оперативниот систем да е преоптоварен од процеси што работат во позадина.

— реклама —

Во случај да забележите комбинација од овие симптоми – прегревање, брзо празнење на батеријата и забавена работа – се препорачува веднаш да го исклучите или рестартирате уредот, а потоа да проверите дали има сомнителни апликации и да го ажурирате безбедносниот софтвер.

Редовното ажурирање на оперативниот систем, преземањето апликации само од официјални продавници и внимателноста при отворање линкови и пораки остануваат најдобрата заштита од сајбер закани.