телефон

Ако преминувате улица и зборувате на телефон, чекајте казна - ова се новините во законот кој се менува

Министерот за внатрешни работи, Панче Тошковски, најави измени во Законот за безбедност на сообраќајот со кои ќе се забрани користењето на мобилни телефони и електронски уреди не само за возачите, туку и за пешаците и велосипедистите.„Со измените се предвидува забрана за употреба на телефони и електронски уреди при управување со велосипед, мопед, мотоцикл, скутер, трактор и други возила, а истовремено и за пешаците при одење, преминување на коловоз или движење по велосипедска патека,“ изјави министерот.Тошковски нагласи дека мерките се дел од проектот „Безбеден град“, чија цел е зголемување на безбедноста на улиците и намалување на бројот на сообраќајни прекршоци. „Со овие измени обезбедуваме поефикасна контрола – записникот со платен налог ќе биде единствен документ за помали прекршоци, а тие ќе се утврдуваат и документираат преку техничка опрема,“ додаде тој.Проектот „Безбеден град“ е планирано да започне со примена во јануари 2026 година.

Македонија | пред 3 месеци

Нокиа има нов телефон кој можете сами да го поправите

Компанијата HMD Global која го вклучува брендот Nokia го претстави телефонот Nokia Shadow во виолетова боја, а се карактеризира со интересна опција.Досега корисниците мораа да одат во сервис за да го поправат својот неисправен телефон, но Нокиа има решение кое може да ја промени оваа ситуација.https://twitter.com/larssilberbauer/status/1674119646956380162?s=20Nokia Shadow е нов телефон кој корисниците можат сами да го поправаат дома, благодарение на опцијата QuickFix. На овој начин ќе може да се поправи напукнат екран, неисправна батерија, порти за полнење и слично.Во соработка со iFixit, Nokia Shadow може да се поправи со практични водичи за сервисирање чекор-по-чекор и прифатливи резервни делови.Кога станува збор за спецификациите, Nokia Shadow е телефон со прифатлива цена. Се напојува со мобилната платформа Qualcomm Snapdragon 480+ 5G, со поддршка за 5G технологии.Има големина на дисплеј од 6,56 инчи во HD+ резолуција и поддршка за OZO 3D снимање звук. На задната страна има камера од 50 MP, додека батеријата може да издржи три дена со едно полнење.Поважно е тоа што Nokia Shadow доаѓа со поддршка за тригодишни месечни безбедносни надградби и две години надградби на оперативниот систем Андроид.

Магазин | пред 2 години

Redmi 12 наскоро во Европа, еве како изгледа

Брендот Redmi наскоро ќе претстави нов евтин телефон од својата гама.Тоа ќе биде Redmi 12, кој на тој начин ќе се приклучи на веќе претставениот Redmi 12C во серијата Redmi 12. Неодамна ги дознавме клучните детали за овој телефон, а сега е откриен и неговиот изглед и уште еднаш можната цена во Европа, поточно во некоја европска земја.Иако Redmi сè уште не објави кога официјално ќе го лансира овој телефон, португалската филијала на брендот го објави тоа на својата веб-страница. Не долго потоа, страницата беше отстранета, но корисникот на Твитер @kacskrz успеа да направи скриншот со детали за телефонот Redmi 12.Така, Redmi 12 ќе се напојува со MediaTek Helio G88 чип, поврзан со 8 GB RAM и 128 GB внатрешна меморија. Меморијата ќе може да се прошири со microSD картичка со капацитет до 1 TB.Redmi 12 ќе пристигне со 6,79-инчен IPS TFT екран, кој ќе има Full HD+ поддршка. Густината на пикселите на екранот ќе биде 396 ppi и ќе има заштита од Gorilla Glass 3. Стапката на освежување на екранот ќе биде 90 Hz. Телефонот ќе се напојува од батерија од 5000 mAh со поддршка за брзо полнење од 18 W, а полначот ќе пристигне во кутијата со телефонот.Назад има три камери поставени во триаголна положба. Главниот сензор е 50 MP, ултра-широк сензор од 8 MP и макро сензор од 2 MP. Димензиите на телефонот ќе бидат 168,60 mm × 76,28 mm × 8,17 mm, а неговата тежина е околу 199 грама.Што се однесува до цената на уредот, се наведува дека Redmi 12 ќе чини 209,99 евра во Португалија, но не е прецизирано за која мемориска конфигурација се работи.https://twitter.com/gsmarena_com/status/1664966925900992512?s=20

Магазин | пред 2 години

Xiaomi откри кога ќе го лансира својот најмоќен телефон на глобално ниво

Во април, Xiaomi го претстави телефонот Xiaomi 13 Ultra во Кина. Потврдено е дека водечкиот телефон на компанијата ќе пристигне и на другите светски пазари, а сега и официјално е познато кога ќе излезе на глобално ниво.Одбројувањето на официјалната веб-страница на компанијата покажува дека глобалното објавување на телефонот Xiaomi 13 Ultra ќе се случи на 8 јуни.https://twitter.com/stufflistings/status/1664477980993761281?s=20Неодамнешните извештаи сугерираат дека Xiaomi 13 Ultra ќе биде достапен во верзија од 12GB + 512GB за глобалниот пазар, кога станува збор за RAM и внатрешна меморија.Кога станува збор за цената, на европскиот пазар телефонот би можел да чини 1299 евра или 1499 евра, а ќе биде достапен во црна и зелена боја.Xiaomi 13 Ultra има 6,73-инчен AMOLED LTPO дисплеј во Quad HD+ резолуција, со поддршка за 120Hz и сензор за отпечатоци сместен под екранот.https://twitter.com/91mobiles/status/1664519575910621185?s=20Работи на верзијата на софтверот Android 13, со кориснички интерфејс MIUI 14. Сè се напојува со чипсет Snapdragon 8 Gen 2, во комбинација со LPDDR5x RAM и складирање UFS 4.0.Xiaomi 13 Ultra се напојува со батерија од 5000 mAh, со поддршка за брзо полнење од 90 W и безжично полнење од 50 W.Што се однесува до камерите, на задната страна е сместена главна камера од 50 MP со 1-инчен Sony IMX989 сензор, како и ултра-широки камери од 50 MP, телефото и 50MP перископски камери. На предната страна се наоѓа селфи камера од 32 MP.

Магазин | пред 2 години

Голем редизајн на iPhone 15

Според наводите на дојавувачот, кој е специјализиран за совети за уредите на Apple, компанијата од Купертино планира голем редизајн за својата линија iPhone 15.Како што се истакнува, телефоните iPhone 15 ќе имаат ново куќиште кое ќе биде создадено од титаниум, додека панелот на задната страна ќе има заоблени рабови.Предниот дел најверојатно ќе остане рамен, но може да личи на iPhone 5C. Се очекува пофлуиден премин помеѓу рамки на страните на телефонот со стаклена задна страна.Најверојатната цел на овој дизајн е моделите на iPhone 15 да се држат подобро во рака, додека титаниумската конструкција ќе ја намали тежината на уредот.Дојавувачот напоменува дека сè уште е рано да се потврдат споменатите промени во дизајнот, бидејќи внатрешните дебати во Apple сè уште се во тек кога станува збор за дизајнот и сè уште ништо не е конечно.

Магазин | пред 3 години

Nokia има нов класичен телефон на преклопување со поддршка за FM радио

HMD Global го претстави својот најнов телефон на преклопување. Тоа е класичниот и основен Nokia 2780 Flip.Nokia 2780 Flip доаѓа со препознатлив дизајн на преклопување, користи тастатура T9 и нема екран на допир.Телефонот има 2,7-инчен TFT дисплеј одвнатре и уште 1,77-инчен однадвор. Има простор и за камера од 5 MP со LED блиц на надворешниот дисплеј.Уредот се напојува со чипсет Qualcomm 215 и има X5 LTE модем со брзина на преземање до 150 Mbps. Има поддршка за VoLTE и RTT (праќање пораки во реално време додека сте на повик).Nokia 2780 Flip доаѓа со 612MP внатрешна меморија и 4GB RAM. Иако е можно да се работи за погрешно наведени спецификации од компанијата, бидејќи на овој телефон не му треба толку многу меморија.Сè се напојува со батерија од 1450 mAh. Nokia 2780 Flip пристигнува во црвена и сина боја, по цена од 90 долари.https://twitter.com/FoneArena/status/1588163529227603972?ref_src=twsrc%5Etfw%7Ctwcamp%5Etweetembed%7Ctwterm%5E1588163529227603972%7Ctwgr%5Ec27312e27c39849bbd59a3f8aef55698d2218c33%7Ctwcon%5Es1_c10&ref_url=https%3A%2F%2Fwww.b92.net%2Ftehnopolis%2Fgadgets%2Fnokia-ima-novi-klasicni-telefon-na-preklop-i-podrskom-za-fm-radio-2237675

Магазин | пред 3 години

Нема фотографија

Apple ги отфрли основните елементи од дизајнот на iPhone 15

Apple постојано работи на својата линија iPhone, па компанијата веќе размислува за серијата iPhone 15, која се очекува во септември 2023 година.Според аналитичарот на Apple, Минг-Чи Куо, една од промените што ќе бидат имплементирани во iPhone 15 се однесува на дизајнот на копчињата за јачина на звук и вклучување на уредот.Компанијата наводно, планира да ги отфрли физичките копчиња што моментално ги користи iPhone и да користи дизајн сличен на оној кој го имаше iPhone 7.Како резултат на оваа промена, компанијата треба да користи нов Taptic Engine, кој е создаден со цел притискањето на тастатурата да се чувствува природно како и притискањето на физичките копчиња.Технологијата Taptic Engine ќе биде поставена на левата и десната страна на рамката, со цел да се формира тактилен одговор кој кај корисникот ќе создаде чувство како да притиска физичко копче.Покрај ова, аналитичарот верува дека Apple повторно ќе биде двигател на трендовите во светот на телефоните и дека производителите на Android уреди најверојатно масовно ќе копираат сличен дизајн на копчиња за нивните телефони.

Магазин | пред 3 години

Apple го категоризира iPhone 6 како олдтајмер

Кога беше објавен во 2014 година, iPhone 6 беше огромен успех. Тоа беше првиот iPhone кој имаше Плус верзија, а на многу луѓе им се допадна поради поголемата површина на екранот.Интересно е што iPhone 6 сè уште се користи денес, и покрај тоа што не добива ажурирања од 2018 година. Објавувањето на софтверот iOS 13 во 2019 година го означи крајот за iPhone 6 во областа на софтверските надградби, а сега Apple го наметнува крајот на поддршката за уредот и во хардверскиот сегмент.Apple сега го категоризира iPhone 6 како олдтајмер, односно застарен производ, така што компанијата повеќе нема да обезбедува делови или услуги за овој уред.„Сопствениците на производите на iPhone, iPad, iPod, Mac или Apple TV можат да примаат услуги или делови од давателите на Apple, вклучително и Apple Stores или независни даватели на услуги, најмалку 5 години од последната дистрибуција на производот за продажба“, Apple посочува компанијата.Од друга страна, користењето на моделот iPhone 6 веќе нема ни многу смисла. Бидејќи уредот користи стара верзија на iOS, ниту повеќето апликации веќе не добиваат ажурирања. Најновата верзија, објавена во септември (iOS 16) на софтверот, бара iPhone 8 или понова верзија.

Магазин | пред 3 години

Xiaomi ги претстави 12Т и 12Т Pro

Xiaomi официјално ги претстави моделите 12T i 12T Pro кои ќе се најдат и на европскиот пазар, а познато е и колку ќе чинат. Што ќе понудат двата модели на смартфони?Xiaomi 12T ProОвој модел привлекува големо внимание бидејќи е првиот телефон на Xiaomi со камера со резолуција од 200 MP, a има сензор ISOCELL HP1 на Samsung. Нема телефото леќи, но сензорот со голема резолуција поддржува дигитален зум 2Х, а може да снима и видео во 8К резолуција и HDR10+ снимки. Има оптичка стабилизација за долга експозиција, како и напредни функции за следење на очите и континиуран автофокус за следење на движење.Ултрашироката камера има резолуција од 8 МР, макро камерата е со 2 МР, а напред е сместена селфи камерата со резолуција од 20 МР.Дисплејот е AMOLED со големина на дијагонала од 6,67 инчи и резолуција од 1.220 х 2.712 пиксели, во формат 20:9 и фрекфенции на освежување кои може автоматски да се подесуваат помеѓу 30, 60, 90 и 120Hz.Овој уред има Snapdragon 8+ Gen 1 кој нуди одлични перформанси и ефикасност, има 8 GB LPDDR5 RAM и 128 GB UFS 3.1 интерна меморија во основната верзија, а достапни се верзии и со 8/256 GB и 12/256 GB.Батеријата е со капацитет од 5.000 mAh и поддржува до 120W брзо полнење, а од 0 до 100% се полни за само 19 минути.Во продажба ќе биде достапен од 13-ти октомври преку официјалните канали на Xiaomi, a верзијата со 8 GB RAM и128 GB внатрешна меморија ќе чини 750 евра.Xiaomi 12TНуди дисплеј и батерија со слични карактеристики како 12 Т Pro, а има Dimensity 8100-Ultra процесор и камера со резолуција од 108 MP, но не може да снима видео со 8К резолуција и нема фокус за следење на очите.Неговата продажба започнува на 13 октомври, а ќе чини 600 и 650 евра во зависност од верзијата.

Магазин | пред 3 години

Xiaomi Civi 2 наликува на iPhone 14 Pro поради еден детал

Вчера Xiaomi претстави копија од iPhone 14 Pro во Кина.Пилулата која се наоѓа на горниот дел од екранот на овој телефон крие две предни камери.Двете камери имаат сензори од 32 MP. Главниот сензор има поддршка за AF и отвор од f / 2.0, додека вториот е ултра широк сензор за групни селфи фотографии и нуди видно поле од 100 степени.https://twitter.com/TheGalox_/status/1574915046777438210?ref_src=twsrc%5Etfw%7Ctwcamp%5Etweetembed%7Ctwterm%5E1574915046777438210%7Ctwgr%5E0ffa8eaa5829c26767235d4fea87ef8702f55cc0%7Ctwcon%5Es1_c10&ref_url=https%3A%2F%2Fwww.b92.net%2Ftehnopolis%2Fgadgets%2Fxiaomi-civi-2-podseca-na-iphone-14-pro-zbog-jednog-detalja-2220084Civi 2 е првиот паметен телефон од Xiaomi кој има преден LED блиц. Овој блиц всушност има четири LED диоди, а Xiaomi вели дека може да дава реални бои во различни средини.Екранот на телефонот е 6,55 инчи, Full HD+ резолуција. Стапката на освежување на екранот е 120 Hz. Екранот поддржува Dolby Vision, HDR10+ и DCI-P3 опсег на бои.На задната страна, телефонот има правоаголен исечок во кој се наоѓа главниот сензор за камера од 50MP f/1.8 Sony IMX766, ултра широк сензор од 20MP со видно поле од 115 степени и макро сензор од 2MP f/2.4.Под капакот на телефонот се крие батерија со капацитет од 4500mAh со поддршка за брзо полнење од 67W.Xiaomi Civi 2 e со Qualcomm Snapdragon 7 Gen 1 и доаѓа во три конфигурации на меморија - 8/128 GB, 8/256 GB и 12/256 GB.Ќе биде достапен во четири бои – бела, розова, сина и црна, а почетната цена на телефонот Xiaomi Civi 2 во Кина е 2.399 CNY, што е околу 350 евра.Xiaomi не објави детали за меѓународната достапност, но постои можност телефонот да пристигне на глобално ниво под друго име или бренд.

Магазин | пред 3 години

Се појавија првите детали за новиот телефон Redmi Note 11 Pro

Xiaomi повремено објавува освежени верзии на постари телефони, а сега е откриено дека еден таков модел се подготвува за следната година – Redmi Note 11 Pro 2023.Станува збор за модел кој продолжува со овогодинешниот Redmi Note 11 Pro, но пристигнува со различен чипсет и различен систем на камера. Според извештаите, изданието за 2023 година ќе се напојува со чипсет Snapdragon 712.Snapdragon 712 не беше најимпресивниот чипсет ниту во 2019 година, кога се појави, а ќе биде уште помалку импресивен следната година. Сепак, може да биде конкурентен со некои други модели од средната класа.Се очекува Redmi Note 11 Pro 2023 да има систем на камера составен од главен сензор од 108 MP, ултра широк сензор од 8 MP, сензор за длабочина од 2 MP и макро камера од 2 MP.Телефонот треба да има и 6,7 инчен екран со резолуција од 2400 x 1080 пиксели. Екранот може да биде од типот AMOLED.Засега нема повеќе детали за моделот Redmi Note 11 Pro 2023, а вестите за телефонот се очекуваат да се појават во наредните месеци.

Магазин | пред 3 години

(ВИДЕО) Корисниците на iPhone 14 наидоа на проблем

Apple пред неколку дена ја претстави серијата iPhone 14. Серијата iPhone 14 вклучува четири модели - iPhone 14, iPhone 14 Plus, iPhone 14 Pro и iPhone 14 Pro Max. Сите модели, освен iPhone 14 Plus, веќе се пуштени во продажба. Сепак, раните усвојувачи на iPhone 14 Pro и iPhone 14 Pro Max наидоа на проблем.Имено, според извештаите на некои корисници, проблемот е поврзан со камерата на iPhone.Конкретно, камерата е матна и поради тоа корисникот не може да ја креира фотографијата што ја сака. Неколку корисници веќе објавија видеа за тоа како всушност изгледа на TikTok. Овој проблем во моментов се јавува кај верзиите Pro - iPhone 14 Pro и iPhone 14 Pro Max. Проблемот е поврзан со употребата на камерата на апликации од трети страни. Некои корисници покажаа како изгледа користењето на камерите на Snapchat и TikTok.Во нивните видео клипови, овие корисници им препорачуваат на другите да не го ажурираат нивниот модел на iPhone 14. Се разбира, не за сега. Се очекува Apple наскоро да го реши овој проблем со нова надградба.Токму iPhone 14 Pro и iPhone 14 Pro Max забележаа голем број на нарачки однапред, барем судејќи според извештајот на аналитичарот Минг-Чи Куо. Тој изјави дека најмногу нарачки се забележани за најсилниот и најскапиот модел – iPhone 14 Pro Max. Куо истакнува дека овој телефон забележал поголем број на преднарачки од iPhone 13 Pro Max минатата година.Се вели дека iPhone 14 Pro добил „неутрална“ оцена, што значи дека нема големи или помали отстапувања од првичната продажба на телефонот iPhone 13 Pro.

Магазин | пред 3 години

Google подготвува изненадување во форма на компактен водечки телефон

Google го најави својот годишен настан „Made By Google“ за 6 октомври, за време на кој се очекува да бидат претставени сериите Pixel 7 и Pixel Watch.Сепак, компанијата работи на некои други уреди, вклучувајќи таблет Pixel кој се очекува во 2023 година, телефон со флексибилен екран и мини телефон Pixel.Според доверливиот советник Digital Chat Station, Google подготвува водечки телефон со мал екран.Изворот вели дека телефонот го носи кодното име „неила“. Уредот има центриран отвор на екранот и дизајн на задната страна сличен на фамилијата телефони Pixel 6 и Pixel 7.Foto: Profimedia

Магазин | пред 3 години

Samsung Galaxy S23 Ultra ќе има препознатлив дизајн на камерата

Иако можеби е премногу рано за информации за телефонот Samsung Galaxy S23 Ultra, најновите детали доаѓаат од Ice Universe.Тој тврди дека јужнокорејската компанија ќе го задржи истиот дизајн како Galaxy S22 Ultra во телефонот Galaxy S23 Ultra. Поконкретно, ова се однесува на дизајнот на камерата на задната страна.Ова има смисла, имајќи предвид дека дизајнот на камерата беше добро прифатен и го издвои Galaxy S22 Ultra од остатокот од семејството S22.Новиот извештај е во согласност со претходните информации објавени од Ice Universe, кои тврди дека целокупниот дизајн и димензиите на телефонот ќе останат непроменети.Останува да видиме дали остатокот од поставата Galaxy S23 ќе го добие истиот изглед што ќе го има камерата S23 Ultra или ќе го задржи актуелниот дизајн.

Магазин | пред 3 години

Samsung Galaxy Fold 4 на Caviar со парчиња метеорит чини 10.000 долари

Компанијата Caviar, позната по своите луксузни модификации, ја нуди својата верзија на новиот смартфон Samsung Galaxy Fold 4.Станува збор за модел наречен Heralds of Galaxy, кој се нуди во четири верзии со парчиња од метеорит, златни украси и кожа.„Најевтината“ верзија чини 9.470 долари, додека оние кои ќе ја изберат верзијата со метеорит ќе треба да издвојат 530 долари повеќе, односно точно 10.000 долари.Ѕвезда на понудата е Golden Meteor, кој го претставува Galaxy Z Fold 4 со редизајниран заден панел. Овој панел содржи честички од три метеороиди: Seymchan, Muonionalusta и Canyon Diablo. Секој фрагмент е уникатен, така што секоја копија од уредот има уникатен дизајн.Caviar ќе продаде само 29 единици од овој дизајн, а уредот ќе го има и логото на Caviar во 24-каратно злато. Цената на верзијата со 256 GB внатрешна меморија ќе биде 11.030 долари, односно 11.460 долари за верзијата со 512 GB внатрешна меморија.Има и поевтина верзија на Canyon Diablo со титаниум, за која треба да потрошите 10.680 или 11.110 долари во зависност од меморијата.Очекувано, сите модели се напојувани од процесорот Snapdragon 8+ Gen 1 и имаат камера од 50 MP.

Магазин | пред 3 години